PUPUJIAN BASA SUNDA
Pupujian Bahasa Sunda
PUPUJIAN
SORA BEDUG
Tah Sora Bedug, batur
Tanda Geus magrib
Geus nitah reureuh ulin
Ngajak ka masjid
Beulah kulon hibar layung
Ngajak muji ka Yang Agung
RUPA-RUPA CAI NU BISA DIPAKE SUSUCI
Dupi sadayana cai
Nu sok dianggo susuci
Eta aya tujuh rupi
Walungan anu kahiji
Cai laut kaduana
Cai sumur katiluna
Cai ibun kaopatna
Cai es nu kalimana
Cai nyusu kagenepna
Cai hujan katujuhna
Eta cai sadayana
Sok dianggo susicina
RIWAYAT KANGJENG NABI
Nabi urang sarerea
Kangjeng Nabi anu mulya
Muhammad jenengannana
Arab Qures nya bangsana
Ibuna Siti Aminah
Ramana Sayid Abdulloh
Dibabarkeunna di Mekah
Wengi Senen taun Gajah
Ari bilangan taunna
Limaratus cariosna
Tujuh puluh panambahna
Sareng sahiji punjulna
Medal Nabi akhir jaman
Pisan-pisan kanehan
Sesembahan bangsa syetan
Kabeh pada arucutan
PUPUJIAN PEPELING
Eling-eling dulur kabeh
Ibadah ulah campoleh
Beurang peuting ulah weleh
Bisina kaburu paeh
Teu bias nyingkahan pati
Sabab urang bakal mati
Nyawa dipundut ku gusti
Najan Raja nyakrawati
Tara ngalakukeun solat
Nyerina kaliwat-liwat
Karasana keur sakarat
Kana ibadah diliwat
Mugi rohmar salamina
Nun Gusti abdi sadaya
Sareng ka kulawargina
Ngocor ka Nabi anu mulya
Kitu deui sahabatna
Sareng muslimin muslimat
Anu sami-sami taat
Anu ngabela agama
Komentar
Posting Komentar